留力南球盃 河床難爆廠

猪拉多纳

阿甲河床作客鬥沙蘭迪兵工廠，河床周中將要應付南球盃16強首回合，翻查佢哋對上兩次出戰南球盃前夕，於本土聯賽作客都未能勝出兼冇入波，先後以0比0打和葛度爾古斯及0比1不敵聖羅倫素，表現一般，事實上佢哋對上10次鬥沙蘭迪兵工廠和咗5場，入波亦好少，只有3場開大，相信今場入波亦唔慌多。

（周一早上8時15分開賽、馬會網上文字直播）

相比河床對沙蘭迪兵工廠有5成和波比率，荷甲烏德勒支與華域克近年交手就甚少打和，過去10次對賽只曾開過1次和，其餘9戰烏德勒支有8勝1負壓倒性優勢，如果單計主場，烏德勒支已經連續6次擊敗華域克，絕對係格食格。

（周日晚10時30分開賽）