真綵轉場惹人愛

猪拉多纳

　　今期跑馬地賽事唔知係咪早咗一日舉行，大家都好似搵唔到重心咁，每場嘅大熱門都聚唔到飛，睇落去唔多穩陣，可能係博冷好時機。至於怪飛馬方面，周某發現今期賽事，有好幾匹轉場嚟跑谷草賽事嘅馬有隔晚飛，值得留意。而呢幾匹轉場惹飛馬之中，第二場「真綵」可以話係最誇張一匹。事關呢匹馬上仗季內初出跑田草1000米，賽前完全冇人睇好，所以獨贏賠率有80倍咁多（見表），最終當然大敗輸七個多馬位。但係唔知咩事，呢匹馬今次轉嚟跑谷草1200米，竟然曾得4.4倍做大熱門。既然票數咁勁，好難唔信番佢一次，一於捧佢。

　　騎師王方面，田泰安其實表現算係唔錯，今次8倍，要博了。