PSG未夾熟作客冇着數

猪拉多纳

歐聯分組賽正式展開，同係歐洲盃賽，歐聯同歐霸盃投X額差一大截，皆因兩個賽事競爭性差好遠。各國名牌球隊都當歐聯係重要目標，不惜喺聯賽部署留力出戰呢個賽事，反觀歐霸盃只被視為雞肋，而且之前出現過問題賽事，難以予人太大信心，肥叔嚟緊都係主力玩歐聯，歐霸盃暫時不作提供。

講番今次重心場次先，法國富豪球會巴黎聖日耳門（PSG）作客奧林比亞高斯，PSG今夏瘋狂燒錢買人，不過，佢哋暫時踢落冇想像中咁犀利，特別係兩個星級中鋒伊巴謙莫域同卡雲尼唔多夾，現時頂盡只係歐洲一線尾球隊，唔算好超班。希臘球隊奧林比亞高斯主場惡到暈，受讓有着數，呢場可博下盤！

（周三凌晨2時45分開賽）
薩克達星散難頂皇蘇

西班牙皇家蘇斯達就會喺主場迎戰薩克達，查實西甲除咗皇馬同巴塞，皇蘇打落都有料到，呢班波之前因兼顧歐聯搞到聯賽出事，吸取經驗後相信唔會重蹈覆轍。薩克達上屆歐聯表現唔錯，但隊內多個主力離開後，實力點都打折扣，今場受讓睇落盤口有利，但其實唔係咁好路，肥叔睇好皇蘇今場贏得！

（周三凌晨2時45分開賽）