馬里博爾難越魯賓卡山

猪拉多纳

D組斯洛文尼亞馬里博爾主場對俄羅斯魯賓卡山，馬里博爾係Macot出生同長大嘅城市，不過講到球會實力、經驗同財力，現階段都冇得同歐戰常客魯賓卡山比，我相信馬里博爾今仗想入波都難，撐1.75倍客Ｗ。

（周五凌晨1時開賽）
主隊資源所限不易突破

馬里博爾近年基本上係橫行斯洛文尼亞聯賽，我哋隊波已經連續5屆聯賽封王，亦連續3年打入歐霸分組賽，但喺我眼中，球會已經喺極有限嘅資源下做到最好，近期好消息係巴西籍隊長泰華利斯終於成功入籍斯洛文尼亞，對球隊更有歸屬感，但仍然好難期望喺歐洲戰場交出成績。魯賓卡山絕對係俄羅斯其中一支勁旅，要錢有錢，要人有人，要經驗亦有經驗，我認為今場係唔同級數嘅對壘，魯賓卡山有力淨贏兩球。