維拉專劏「雀」首球揀賓迪基

猪拉多纳

今晚英超早場上演下游大戰諾域治對阿士東維拉，論近況，兩隊都係衰埋一擔擔，問題係「金絲雀」近11次對住維拉都只係贏過1次，捧客軍之餘，如果玩到首名入球，都可以向維拉球員埋手，當中首選梗係揀賓迪基，次選則要艾邦拉荷。

唔講唔知，賓迪基原來係2013年英超最着火射手，共入18球，連尹佩斯同蘇亞雷斯等都要行埋一邊。最緊要係維拉經常都靠佢打破悶局，班波喺英超入咗5球，有4球由佢取得，玩首球揀佢係正路之選。至於想博好分啲，揀艾邦拉荷因為佢係諾域治剋星，上季兩班波4次交手，呢個高速殺手就入咗3球，劏「雀」有一手。

揀多場「首球」玩，西甲華歷簡奴對巴塞又係大屠殺格局，球王美斯近3場入咗7球，有2次取得「首球」，就算賠率唔夠，都冇理由同錢拗頸，焗揀！