姚廐急進捧佳運寶

猪拉多纳

　　今日沙田馬場舉行七草三泥賽事，天氣情況着實難料，看來大家不宜一早落注，最好臨場睇清睇楚再作決定。數今季初較急進的練馬師，其中一定包括姚本輝，他雖然暫得兩場頭馬，卻有五席亞軍紀錄，可見稍為失運而已。所以，在下今次決定推介出爭第九場三班草地1600米「佳運寶」。

　　如跑變化地都掂

　　這匹英國自購馬來港後至今只跑五仗，並獲一亞及一席第五，兩次跑獲獎金皆在田草1600米賽事，難怪姚本輝今次安排此駒再戰同程。翻看「佳運寶」上季其最後一仗出爭三班1600米一役的表現，此駒於慢步速下，沿途走外叠追獲亞軍，以相同跑法獲殿的「幸運聖」，今季初出即跑第二，足證賽事水平頗高。此外，該場賽事的場地掛牌為黏地，計落「佳運寶」打水戰都掂，萬一今日臨場突然下雨，亦不用擔心其場地性能。