主帥私怨PSG摩納哥鬥大

猪拉多纳

法甲今輪爆發「豪門大戰」，巴黎聖日耳門（PSG）主場惡鬥摩納哥，兩軍教頭白蘭斯同雲尼亞里原來廿年前曾經合作，當時法國中堅白蘭斯外闖轉投意甲拿玻里，喺少帥雲尼亞里麾下作戰。雖然該季白蘭斯射入6球，但始終贏唔到雲帥歡心，後者仲周時唔同白蘭斯講嘢，令白蘭斯難適應新環境，一季後就返法甲搵食。

兜兜轉轉，二人成為現今法甲兩大豪門主帥，估唔到白帥仲係好記仇，私底下周時笑雲帥冇料到，甚至話摩納哥本季大搞，應該換埋個教練。雲帥當然知白蘭斯唔妥佢，雙方今場正面對決，在公在私都唔想輸，睇嚟會出現唔少入波！

（周一凌晨3時開賽）