阿仙奴半力寧捧西布朗

猪拉多纳

另一場英聯盃第3圈全英超對決由阿仙奴作客鬥西布朗，兵工廠近期雖然氣勢如虹，不過為免踢殘一班主力，有指雲格今仗好大機會派副選落場。西布朗剛喺主場擊敗新特蘭取得聯賽首捷，對士氣、信心有幫助，續喺主場出擊有力一拚，捧「讓球主勝」。

（周四凌晨3時開賽）
兵工廠賺少3.67億顯爭標「決心」

阿仙奴尋日公布上年度財政報告（截至今年5月31日）一共獲得670萬鎊（約8,300萬港元）收益，比之前嘅3,660萬鎊（約4.5億港元）少成3.67億港元，相信同球會今季重金買人及加人工有直接關係。球會決心改革的確收到成效，目前除咗高踞英超榜首，上周歐聯亦擊敗馬賽取得分組賽首場勝利，但嚟緊佢哋聯賽要作客史雲斯，然後歐聯要硬撼拿玻里，今場畀部分主力休息都係人之常情。賽前有報道指中場韋舒亞好大機會休息，同時亦有可能以久疏戰陣嘅「中堅賓」賓特拿代替基奧特攻堅，戰鬥力起碼減半。

西布朗上周末喺主場三比○大勝新特蘭，新加盟嘅施斯隆、艾馬菲達奴都有士哥，表現逐漸融入球隊，今仗乘對手半力出擊，加上有主場之利未必冇得打，受讓值得一試。