河床 洛大演入球騷

猪拉多纳

阿甲傳統班霸河床聽朝喺南美球會盃16強次回合主場再鬥厄瓜多爾球隊洛查利加大學，2倍入球大最抵追。首回合河床落後1:2，返主場冇得諗要搶攻，而且河床位列聯賽中游，好難爭到上前列，呢場當然要搏盡「大」翻身啦！

（開賽時間：周五早上6:30）
落後焗攻博翻身

河床踢南球盃，投入程度當然冇出戰南美自由盃咁高，不過佢哋喺今季聯賽表現勁曳，根本唔似可以殺得上前列，而且攻擊重心包括中場蘭仙尼，首回合都係踢足全場，證明河床冇打算喺南球盃Hea踢，今場返主場要收復失地，形勢上唔到佢哋保守，有利再開入球騷。

對家洛查利加大學唔係厄瓜多爾頂級球隊，不過既然入到16強，當然唔會放軟手腳，而且佢哋喺今屆賽事踢咗5場，當中有4場有波入，前線總算有個巴西前鋒法比奧連拿度孭飛，射手阿曼度維拿又効力過SC巴斯隆拿，戰鬥力未至於太弱，有條件同河床再次合演入球大戰。
首回合：河客負1:2