烏甸遇弱 係時候起筷

猪拉多纳

意甲波一向畀人蠱惑多嘅負面印象，球會之間關係錯綜複雜，尤其係去到季尾，不時出現超低和波賠率嘅「默契波」，互相送分，搞到莊家怕怕，甚至唔開盤，慶幸正值季初，蠱惑問題仲未咁嚴重。投X意甲賽事，除咗要小心「幕後黑手」因素之外，球隊特性亦要留意。烏甸尼斯喺古度連執教下，表現一向慢熱，季初成績通常唔好，今季情況亦唔例外，令賠率褪晒熱。烏甸近況開始回勇，今晚作客阿特蘭大，莊家開平手盤，烏甸尼斯捧場價值高。

（周日晚9時開賽）
阿特蘭大輸到失暈

烏甸尼斯過去三季位居前列，無獨有偶開季成績都係麻麻，但之後愈踢愈好，今仗鬥阿特蘭大，好可能係烏軍反彈轉捩點，事關阿特蘭大今季5場聯賽輸4場，失咗10球，弱過藥煲，平手盤捧對家，基本上可立不敗之地，趁烏甸評級未被調高前，盤口夠吸引，有買趁早。