不來梅妞倫堡啞火吼「細」

猪拉多纳

要數今季德甲火力最差嗰幾支球隊，就不得不提雲達不來梅同紐倫堡。呢兩支球隊踢咗6場比賽，分別入得5球同6球。佢哋今晚喺韋沙球瑒交手，以兩軍咁疲弱嘅鋒力，相信都係悶波一場，1.82倍「入球細」抵玩。

（有線61、64、201、203台周日晚9:30直播）

雲達不來梅上仗作客打贏漢堡，總算結束3連敗，不過唔好諗住佢哋今場波就好輕易咁乘勝追擊，皆因球隊中前場有多人缺陣。好似前鋒迪山度要坐波監，中場巴菲迪、伊格尼奧夫斯基、比德史堤芬奴域等人又要養傷，咪話唔影響火力同組織力。就算佢哋想憑主場之利強攻對手，亦只怕有心冇力。
紐倫堡近4仗僅入2粒

至於仲未開齋嘅紐倫堡，近4仗只係入得2粒。更麻煩嘅係主力前鋒丹尼爾真錫克今仗唔踢得，而且中場謝赫特、守將馬高斯伊利亞斯又未好番，試問球隊邊敢搶攻？今仗死守博1分有咩出奇。翻查往績，兩軍近4次交手，當中有3次開「入球細」，既然今晚兩隊同樣陣容不整，睇怕都好難入多幾粒娛樂球迷，一於追多次「入球細」。