羅馬主勝冇肉食吼半和

猪拉多纳

羅馬喺魯迪加西亞掌帥後勢如破竹，意甲開咧至今5戰全勝，締造球會史上最佳開局，今晚喺聯賽主場迎戰近況低迷嘅博洛尼亞，趁勢再下一城唔難，不過1.28倍主勝執埋冇肉食，轉吼2.45倍「半和」。

（廣東體育周一凌晨2:45直播）
博洛尼亞防線頂得吓

「雌狼」羅馬氣勢如虹，托迪、史杜特文、貝拿迪亞等三線球員輪流入波，同時防線固若金湯，5場聯賽入12球失1球，靚績絕非偶然。巴西右閘馬爾干大腿受傷缺陣，頂替佢嘅同鄉杜杜雖則廿歲出頭，但上場臨危受命踢落淡定，唔使驚防線有漏洞。

可惜今場主勝壓低到1.28倍，睇見唔開胃，如果想半場即有錢收嘅話，羅馬半場和可以諗諗，細心留意吓，「雌狼」喺贏波咁耐都未試過半場領先，5仗半場錄得4和1輸劣績，所有入波都喺下半場出現。再者，喺意甲未開齋嘅博洛尼亞，近4場3次開出「半和」防線頂得吓，配合「雌狼」例牌換邊後至發力，「半場和」確係幾抵諗。