畢爾包火力猛做「大」騷

猪拉多纳

格蘭納達中門大開

今晚「西甲雄獅」畢爾包將會喺聯賽作客CF格蘭納達，雖然主隊近排頻頻「食白果」，但對住攻強守弱嘅「雄獅」隨時取得士哥，絕對可以合力做番場入球騷，當然直取2倍入球大啦！

（開賽時間：周二凌晨4:00）
畢爾包3場作客失7球

今季嘅畢爾包表現比上季有所改善，火力亦都明顯增強，睇佢哋踢咗6場有5場都起碼入兩粒，就知道由迪馬高斯、伊拜高美斯同埋「後上王」米基聖荷西嘅攻擊力唔講得笑，省番格蘭納達兩粒絕對冇問題嘅！但最弊嘅係呢班波防守極有問題，作客環境之下就更加失魂，3場作客賽事夾埋居然失咗7球，今場隨時畀對手偷雞成功o架。

齋睇近績，格蘭納達的確衰到貼地，近5場全部贏唔到之餘更有4場食白果，不過唔好忘記佢哋嘅對手全部都係皇馬、華倫西亞等傳統硬嘢，對住中門大開嘅畢爾包，自然係艾亞比同巴謙美等射手大顯身手嘅好時機，肯定會上演對攻大戰啦！