25 邦迪比達讓客「尼」料

猪拉多纳

明尼路聽朝喺（四）25場巴甲迎戰邦迪比達，前者自從贏咗南美自由盃後，對巴甲就一副唔志在嘅態度，一心諗住喺12月嘅世界冠軍球會盃掘金，點知突然受到沉重打擊，靈魂人物朗拿甸奴重傷短期內唔踢得，今場冷敲邦迪比達2.72倍「讓球客勝」好過。

（開賽時間：周五早上6:30）

明尼路奪得自由盃後，曾經因為掛住慶祝喺聯賽戰績下滑，直至最近至企番穩，可惜朗拿甸奴重傷打亂晒佢哋部署，要知道明尼路本身已經有班納特安尼斯奧離隊，進攻火力所餘無幾，單靠祖奧搵食真係唔多靠得住，家陣呢班波士氣唔慌好得去邊，高層仲可能落柯打叫班球員錫身留力踢世冠盃，今戰對住要搶分護級、連盃賽近4場有3勝1負嘅邦迪比達，明尼路想贏都有心無力，敲「讓客」仲划算。