大行情配潘頓實搏

猪拉多纳

　　昨日中午，馬會公布騎師彭利力因患扁桃腺炎而退出比賽，結果第六場「大行情」和第九場「馬主明星」雙雙換人上陣，前駒改配潘頓，後駒則由梁家俊代勞。潘、梁二人會否冷手執個熱煎堆，各替胯下坐騎取得勝利，此乃後話；不過，賽前度馬，賭博士卻對「大行情」甚感興趣。

　　眾所周知，潘頓與方嘉柏關係友好，例如今日九匹方廐馬，當中便共有五駒由潘頓操刀。但奇怪的是，列陣第六場四班1200米的「龍華太旨」上仗跑第二，近況擺明趨勇，何故牠不配潘頓而用何澤堯呢？這是小方刻意安排？抑或潘頓推庄唔騎？據「路邊社」消息透露，潘頓賽前曾向苗禮德討騎「大行情」，然而老苗有心關照彭利力，所以無奈婉拒。如今阿力因病缺陣，終造就潘頓得償所願，照計「大行情」唔搏就假！

　　天合幕後鬥志如虹

　　講開潘頓，小方對他也有好帶挈，尾場「天合」跑谷草連敗兩次，今仗移師田草比賽，求突破決心路人皆見。最重要一點，剛戰「天合」熱至2.5倍照樣砌盡，可見幕後鬥志如虹，今場難得有「醒目波幅」幫手孭飛，「天合」如有3倍以上已很抵賭。