格雷特霍夫受讓食塞

猪拉多纳

今晚得8場波玩，阿King對德乙獨腳戲杜塞爾多夫主場迎戰格雷特霍夫特別有心水，杜軍僅排榜下游就知佢哋有幾多料喇，相反格雷特霍夫劍指升班 ，匈牙利中場史泰比愈戰愈勇，就算作客都冇有怕，仲有得受讓梗係捧下盤。

(周二凌晨2時15分開賽)

杜塞爾多夫連和3場，總算止住之前連敗嘅頹勢，不過只排16嘅佢哋傷兵滿營，舒美迪高、般奴索拉斯、拉特卡等主力因傷上陣成疑，嚴重影響球隊攻守。位列次席嘅格雷特霍夫，今季目標直指升班，之前於德國盃越級挑戰漢堡亦不落下風，證明班波實力唔曳，當中不得不提史泰比，呢位匈牙利中場上仗對特雷斯登不但先開紀錄，之後更獻上助攻帽子戲法，協助球隊大勝4粒，弗到勒都勒唔住，作客杜塞爾多夫可乘勝追擊，有得受讓平半咁筍，真係有買趁早。
巴特里低迷益晒喜伯年

至於蘇超巴特里主場對喜伯年，前者踢法四平八穩，絕對係受讓佳品，不過讓波就經常輸盤，何況佢哋4場不勝狀態曳，揀喜伯年「+1」好過。最後阿甲弱旅高隆四連敗之餘，仲一球都入唔到。相反沙蘭迪兵工廠為聯賽唯一不敗之師，上周中又殺入阿根廷盃決賽，士氣如虹，平手盤捧沙軍抵玩。

猪拉多纳