厄瓜多爾烏拉圭 一戰定生死

猪拉多纳

南美洲區厄瓜多爾將於主場硬撼烏拉圭，兩隊現時同分，厄軍以較佳得失球排第4。由於前4名名可直接晉級決賽周，第5名則要同亞洲區第5名打跨洲附加賽，故今場波幾乎係一戰定生死，贏嗰隊將大大增加直接出線嘅機會。

兩軍去年9月對陣烏拉圭主場賽和厄瓜多爾1比1，不過烏拉圭最近3場世盃外全勝，前線孖寶蘇亞雷斯同卡雲尼嘅組合充滿震懾力，而睇番兩隊最尾一輪對手，鳥拉圭對已篤定出線嘅阿根廷，厄瓜多爾則要對同樣要爭直接出線資格嘅智利，形勢對厄瓜多爾稍稍不利。

猪拉多纳