比利時德國瑞士 Book定機位

猪拉多纳

歐洲區各組首名形勢基本上已經大定，喺A組人才輩出嘅比利時，喺夏薩特、賓迪基、盧卡古同華湯根等英超兵帶領下一枝獨秀，只要今輪作客賽和克羅地亞，便可繼02年後再次取得入場券，並成為決賽周一支令人矚目嘅異軍。

另C組德國已經拋離次席瑞典5分，並有傷愈嘅中場核心舒韋恩史迪加歸隊，若喺嚟緊主場擊敗處於冇帥狀態嘅愛爾蘭即可出線。

由德國名帥希斯菲特領軍嘅勁旅瑞士喺E組表現四平八穩，今輪作客尾二嘅阿爾巴尼亞考驗不大，若能全取3分，則會連續3屆躋身世盃決賽周。