|
|
日皇盃第三圈賽事展開，蘇豪睇中場低組別球隊對決，JFL（日本第三級別聯賽）一哥長野帕塞羅對日乙下游分子北九州向日葵，長野上圈作客技術性擊倒名古屋鯨魚，今戰再喺鯨魚主場瑞穗陸上競技場作賽，熟晒架步好着數，捧讓球主勝！
（周日下午2時開賽）
長野帕塞羅上圈越兩級作客挑戰鯨魚，賽前不被睇好，但佢哋踢落好生猛，全場射門僅輸10比12，最終仲爆冷贏埋2比0。長野冇乜巨星孭飛，隊長宇野澤祐次早年曾隨柏雷素爾征戰日職，但名氣唔大。大軍勝在夾慣夾熟，再喺福地瑞穗陸上競技場出戰，對手只屬日乙下游球隊北九州向日葵，肯定易打過鯨魚，長野有力再贏，進取博埋主Ｗ。
飛腳以攻代守「大」起松鼠
另一場日職大軍大宮松鼠火併日乙名牌大阪飛腳，松鼠防線散晒，今仗仲有尼爾及今井智基停賽，防守力弱上加弱。飛腳有防線主將今野泰幸及中場指揮官遠藤保仁入選日本大軍缺陣，但佢哋擁有宇佐美貴史及艾迪洛查等優質進攻球員，大可以攻代守，預期今戰士哥多，捧大盤！ |
|
金睛卡
发表于 2013-10-13 10:12
变色卡
显身卡
楼主
