小保加盛氣震中央

猪拉多纳

小保加上季聯賽表現平平，今季重新振作即時交出成績，上仗國家打吡更作客擊敗死對頭河床，球員士氣大振下，今仗回師主場面對今季作客仲未贏過嘅羅沙里奧中央，相信有力再下一城。小保加今季喺星級中場列基美帶領下，表現回復往昔水準，其中主力射手艾曼紐傑利奧迪近四仗入四球表現可人，加上主場已連贏四場，相信有力擊敗今季客場仲未「開齋」嘅羅沙里奧中央，今仗一於簡單捧主W。

（周一清晨5時15分開賽）