開心駕到搶頭胡

猪拉多纳

　　蘇偉賢雖然新開倉，但現時已取得四場頭馬，據悉他每贏一場之後，便會在馬房內切金豬還神，非常神心之餘，亦藉此機會慰勞馬房手足，順道激勵士氣，正是一舉數得。

　　今晚蘇偉賢只派兩駒出賽，但牠們均具贏馬機會，其中列陣頭場五班1650米的「開心駕到」，馬房上下均睇好牠有力先拔頭籌。

　　「開心駕到」自7月中加入賢廐後，復課至今已做足操練，埋門狀態急升，這次作季內初出首戰，蘇偉賢即替牠報跑其首本的泥地一哩賽，顯然有心一出即拼。今仗對手實力不強，馬房又好鬥志，加上賽前由安國倫一手操好，實乃頭場最佳馬膽。

　　賢廐有千軍萬馬

　　至於另一匹賢廐馬「千軍萬馬」則列陣第三場四班泥地1200米，賽前亦有消息指此駒有三甲機會；這匹五歲馬乃泥地賽好手，今仗賽前已操夠，狀態全面復勇，昨午廐主更安排牠做按摩，反映已露搏殺手影；今次磅輕路合兼排檔佳，有力爭雄。

　　另外，方廐「銀子彈」上仗復出跑田草1000米，路程嫌短但仍後追有勁，已收熱身之效後，今次轉戰泥地1200米應是幕後目標所在。既然馬已試準兼排一檔，安國倫以往兩次策騎牠出賽全勝，可謂已集齊有利條件於一身。