飛躍之駒忠心 馬嘉駒無懼打硬仗

猪拉多纳

一向泥優於草的「飛躍之駒」上仗跑直路賽亦拚入一席第四，演出有驚喜，熱身後返回4捷路程泥地1200米，自然令人憧憬。馬主馬嘉駒說：「『飛躍之駒』今季依然喼到唔錯嘅水準，開鑼日跑過一場沙田草地1000米直路賽，只輸三個半馬位得殿軍，整體走勢令人滿意。經過一場熱身開氣後，今晚『飛躍之駒』卒之回到最拿手嘅泥地1200米上陣，縱使現時評分升上新高之後，現居二班難言爭勝把握，之不過呢匹馬一向喺泥地跑高半班，兼且埋門徐雨石再安排試多一課泥地大閘，進一步提升狀態，做足晒工夫，所以對於今場嘅機會亦感到樂觀，憑其忠心特性，至少有望跑入三甲一席。」