保地花高搶分追榜首受讓筍

猪拉多纳

巴甲快車聽朝仲有兩場賽事要踢，目前守喺聯賽榜次席嘅保地花高將作客第6位嘅維多利亞。近期回勇取得兩連勝嘅保地花高，仍期望可以拉近同榜首高士路嘅10分距離，鬥志有保證，加上主隊今仗有兩大主力停賽，防守現漏洞，維多利亞仲要讓平半，梗係捧1.88倍下盤啦！

（開賽時間：周五早上8:00）
維多利亞兩主力停賽

唔計今朝最新一輪比賽，保地花高目前以28戰得49分，落後高士路10分。由於聯賽仲有10輪要踢，保地花高上下都相信仲有機會追上高士路捧盃，佢哋班波近期踢出鬥志，上仗反勝法林明高尤其抵讚，更好消息係，保地花高陣內嘅巴西國家隊門將謝法臣奧利華拉同烏拉圭中場盧迪路，或可喺踢完國際賽後趕及歸隊，強陣出擊自然不勝無歸。

維多利亞呢邊，依家排第6令人喜出望外，佢哋當然都想搶分攞到自由盃資格，不過力奇擔心佢哋有心無力。要知道維多利亞今仗會有中場米高米基爾同守將卡杜齊齊停賽，即使阿根廷雙星中場艾斯古迪路同前鋒麥斯比安古斯或可趕及傷愈復出，但狀態始終成疑，中後場陣容不整，憑乜讓波？