諾在其中:秘密行動再下一城

胜保罗

諾在其中:秘密行動再下一城
 
周三冇賽事舉行，睇番成個四月只得七個賽日，似乎比較清閒。不過各位唔好以為小妹有得輕鬆�校�皆因去到下個月賽期就編得密密麻麻，睇嚟仲會有排忙。

周日谷草十場賽事，噚日小妹提過睇好「威騰」可以捧走香港交易所盃，結果呢隻馬抽得二檔起步，可以話連運都贏埋。

白德民停賽「威騰」改配馬偉昌，雖然後者以往未騎過呢隻馬上陣，但原來馬偉昌同大摩季內合作成績相當犀利，騎者先後幫大摩贏過五場頭馬，而兩人合作嘅上名率更超過五成，睇嚟「威騰」今次真係好有機會贏馬捧盃。

至於第三場四班千二米，蔡約翰就派出「高手」上陣，呢隻馬至今跑過兩場，初出嗰場只得十三倍，證明當時已有唔少人睇好。上仗出爭田草千二米，臨場更被捧成兩倍大熱，呢隻馬出閘後同「心中有勁」一齊擺前走，可惜全程被頂出外叠，最終以頭位落敗飲恨得第二，未能夠開齋贏馬。今場蔡約翰安排「高手」轉戰谷草，無非貪對手較弱，抽得三檔起步應係時候打開勝門。

另外，第七場一班一哩鍾意告廐「秘密行動」，呢隻馬今季演出相當準繩，近三仗更非勝即位。上場呢隻馬跑同程，出閘留響較後位置，喺直路中段更一度未能望空，但終點前一搵到位即刻以勁勢衝線贏馬，贏來猶有餘勁。雖然今場「秘密行動」要負頂磅上陣，但實際只負一二七磅唔算重，後上馬排十檔亦唔使驚，而且同場對手實力未算太強，睇嚟呢隻馬大有機會可以再下一城，值得繼續追捧。