阿仙奴角球細啱數

猪拉多纳

奧斯爾 藍斯搓死諾域治

「FIFA病毒」人人喊驚，不過英超「一哥」阿仙奴就似乎當作係「FIFA疫苗」，趁住國際賽期伺機抖抖，唔少傷兵主力都好番晒，況且主將奧斯爾膝傷無大礙，今晚主場鬥諾域治可照常披甲，強陣出擊繼續搓死「金絲雀」。「兵工廠」控球在腳踢法一向少角球，今場角球數11.5球，一於捧1.82倍「角球細」！

（now623台周六晚10:00直播）
趁國際賽期傷疲盡起

「兵工廠」今季表現令人喜出望外，目前7戰得16分同利物浦並列榜首，真係唔講得笑。個勢咁好卻又撞正國際賽期，唔少人都擔心會打窒道氣影響成績，偏偏佢哋趁住呢個空檔抖抖，包括中場辛迪卡索拉、路斯基同禾確特都話接近傷愈，今晚或者可以披甲。再加上喺世盃外勇戰受傷嘅奧斯爾同艾朗藍斯亦證實傷勢唔嚴重，今晚同樣踢得，呢班波又可以繼續用佢哋擅長嘅「英超版巴塞」踢法，繼續去搓死對手。
諾域治火力曳威脅小

事實上，今季阿仙奴喺比賽角球數目的確特別少，平均只得9.29個，屬於全英超第4少。至於諾域治班波由於火力平庸，至今7戰入得5球，連逼唔逼到去對方場區都成問題，更加爭唔到幾多角球。睇番「金絲雀」今季客場角球平均數只得8.33個，就算今仗有消息話佢哋前線會收起表現平平嘅雲禾夫斯雲高，改用加利賀柏擔正攻堅，相信進攻上都幫唔到幾多，繼續齋打穩守突擊，想搵多幾個角球睇吓都難。