妙不可言換人票勁

猪拉多纳

　　莫雷拉由今日開始將會在香港策騎，可唔可以威脅到韋達冠軍騎師嘅地位，真係好難講，但係呢位騎者上季國際騎師錦標賽贏「連戰連勝」嗰場，真係令周某佩服到五體投地，相信今季多咗佢會精采好多。

　　除咗周某之外，仲有好多人對莫雷拉有所期待，事關佢今日十匹坐騎中，有五匹獨贏賠率隔晚有異動，當中最值得留意嘅係第一場「妙不可言」，因為呢匹馬上仗轉沈廐初出，其實輸九個多馬位，但係今次換咗莫雷拉，獨贏賠率竟然由上仗嘅25倍變到得番11倍，可能有料到，值得留意。騎師王方面，莫雷拉出場就做大熱門，得2.25倍要揀。(周仲)