黃蜂殘陣讓波咪掂

猪拉多纳

今日同大家研究一場日乙賽事福岡黃蜂主場對鳥取飛翔，鳥取飛翔目前排聯賽榜包尾，對上一次贏波已經係7月初，期間14場聯賽只得6和8負，作客出戰自然被睇低一線。福岡黃蜂於國際賽前一輪聯賽作客擊敗北九州向日葵，終止五連敗頹勢，而且上季主場曾以四比○大炒鳥取飛翔，無論從近況、往績去計，主隊讓半球至半一先係合理盤口，點解馬會讓球盤只讓平半咁少？

原來福岡黃蜂今仗一共有三名主力球員停賽，包括首席射手阪田大輔、前鋒金森健志及後衞岡田隆，另外中場木原正和、後衞古賀正纊及門將水谷維一亦有傷倦勤，只能殘陣出擊，盤口顯示莊家對主隊贏波似乎有所保留。

（周日下午1時開賽）