捧場客力撐好球

猪拉多纳

　　今晚賽事又快活谷舉行，八場賽事入面，有一場編為2200米大長途，由於「南陽望族」退出，得番八駒參戰，通常馬少場合大熱門都麻麻，唔知今次係咪一樣。

　　噚日睇飛，發現有三匹輕磅馬票數真係幾勁（見表），而周某自己最睇好「好球」，正正係跑第三場2200米大長途。話說呢匹馬上季贏過呢個路程，但係時只係跑四班賽，按道理，今次就算跑番同程，仲三班都唔應該熱先。偏偏呢匹馬隔晚個獨贏賠率曾得4.4倍，比起上仗55倍，簡直係天淵之別，唔通係「粉絲」信佢有輕磅之助，可以偷雞贏馬？一於捧佢。

　　騎師王方面，可能因為莫雷拉騎足八場，所以繼續由佢做大熱得2.7倍，但楊明綸得6倍其實係偏熱，不如博佢。