谷草C欄捧前置馬

猪拉多纳

　　今晚為季內第二次採用谷草C欄C+3彎跑道，如以9月25日賽果做參考，便會發覺前置馬佔盡優勢，事關當晚只得「皇仁威龍」在直路上收復大量失地取勝，其餘七匹頭馬則一早置於前四位，如「威仔皇」及「牛精仔」更一放到底，反映場地偏差嚴重。

　　你可能會說，當晚的戰果可能只是巧合，但翻查上季最後一後採用C欄C+3彎時（6月26日），當晚亦有「好笑容」及「心中有程」放到，可見今次無謂鬥氣，記得揀前置馬做膽。

　　至於列陣第三場2200米的「公平競技」，此駒雖初跑同程，但按血統及腳法必能應付，加上今季楊明綸騎東谷草戰馬三次獲冠季殿各一，不妨捧WP。