薩克達唔起眼反咬利華

猪拉多纳

英超名牌球隊曼聯近期諸事不順，上場聯賽對修咸頓又失分，班波踢落冇乜信心，似乎並非一時三刻可以反彈。若以「紅魔鬼」近仗演出作評級，呢班波現時只係英超二線球隊，但莊家開盤時係以一線隊作為標準，所以長期都讓得多。「紅魔鬼」走樣係不爭事實，肥叔唔建議大家於呢個階段捧佢哋場。

今期專心研究歐聯，A組烏克蘭球隊薩克達唔起眼，成日都有筍盤，呢班波踢落好硬淨，即使季前有部分主力離隊，但踢落亦無太大影響。薩克達評級唔高，今場作客利華古遜繼續被睇淡，現時受讓半球至半一，個盤都算有利。論歐戰經驗，薩克達近年絕對多過利華，講到今屆表現，佢哋亦唔曳，今場有力保持不敗，受讓捧下盤！

（周四凌晨2時45分開賽）

至於D組拜仁今輪會於主場迎戰捷克大軍柏辛域陀尼亞，計名氣兩隊完全冇得比，但今場拜仁讓得太多，呢班波改由哥迪奧拿領軍後仍處於磨合期，現階段唔及上屆咁犀利，今戰隨時小勝收工，讓得多要小心。今場普遍莊家調高大細中位數，部分改成三球半，亦有行家做到三球半、四球，細盤博得過。