拜仁哥帥試陣獻細

猪拉多纳

德甲勁旅拜仁慕尼黑上季攞完歐聯冠軍之後，每次出場都被睇成超班，可以大炒對手好多球，但事實上又未必係咁，今場佢哋喺歐聯D組主場對捷克球隊柏辛域陀尼亞，牌面上係咁多場入面最強弱懸殊嘅，不過就係因為贏梗，今場有空間畀拜仁主帥哥迪奧拿試新嘢，度士認為拜仁只會適可而止，入球大細中位數調至3.5球，度士揀細。

（有線62及202台周四凌晨2時45分直播）
炒唔起柏辛域陀尼亞

哥迪奧拿同拜仁班球員經過十幾場磨合，終於搵到一個雙方都舒服嘅踢法，不過哥帥一向尋求突破，今場對弱旅又係試新嘢好機會，先唔理會哥迪奧拿係咪會咁做，查實今季拜仁從未試過攻入對手五球或以上，而根據《東方波經》班手足畀嘅資料，原來拜仁今季13場比賽，有9場大細中位數調至3.5球，當中有6場係開細，度士相信拜仁今場都係見好就收，留力聯賽好過，入球細捧得過。