甘美奧變陣o趙哥連泰斯

猪拉多纳

喺巴甲爭標陷於劣勢嘅甘美奧，為咗唔想今季空手而回，聽朝喺巴西盃8強次回合主場對哥連泰斯，肯定會傾盡全力爭勝。賽前消息指，佢哋主帥連拿度更會改以更進取嘅「433」陣式出師，面對住攻守都有主力缺陣兼實力低一線嘅哥連泰斯，應該實食冇黐牙，力奇今場捧1.9倍主W。

（開賽時間：周四早上7:50）
哥連泰斯攻守有漏洞

甘美奧目前喺巴甲排第2，落後「一哥」高士路9分之多，喺得番8輪情況，要後來居上捧盃機會唔大，反而巴西盃已經殺到入8強，只要踢多5場好波，就足夠捧番次盃，今鋪點會唔搏命？球隊今季演出穩定，特別係由拿玻里借返嚟嘅智利中場伊度亞度華加斯，近期愈踢愈醒神，主帥連拿度睇完佢上場MVP級嘅精彩演出，據聞正考慮變陣將佢推前一格，實行將陣式由「352」變成「433」，喺首回合踢和0:0後，今鋪誓要藉住主場之利，喺法定時間內砌低對手。

哥連泰斯呢邊，今時唔同往日，依家喺巴甲排12位，仲未完全擺脫降班漩渦，計實力同甘美奧根本有段距離。事實上，佢哋前仗聯賽先輸過畀甘美奧0:1，今仗搵乜同人砌？更重要一點，哥連泰斯前鋒荷西古里路嘅腳傷唔輕，日前勉強復操，都未收操已經要提早離場，今仗未必出得。至於正選門將卡斯奧上仗又整傷埋大腿，要搵後備頂上，攻守有漏洞，今鋪想唔輸都難！
首回合甘客和0:0