魯賓卡山夠經驗連根拔起

猪拉多纳

英冠球隊韋根主場對俄羅斯魯賓卡山，兩隊喺組內都未輸過，魯賓卡山更係兩戰全勝排榜首，歐洲賽新丁韋根今仗主場出擊亦不宜高估，相反魯賓卡山歐洲賽戰績豐富，讓平半抵玩。

（有線61及201台周五凌晨3時05分直播）

今季喺英超降班到英冠嘅韋根首次踢歐洲賽，暫時一勝一和睇落戰績唔錯，但贏嗰果場只不過係對實力最弱嘅馬里博爾，今仗對住同組入面最強嘅魯賓卡山，無甜頭可言，而且球隊兩日後就要作客查爾頓，對體力係一大挑戰，今場或有顧忌。相反魯賓卡山自從今年四月作客輸畀車路士1比3後，佢哋喺歐霸盃已錄得九連勝，成績斐然，今仗讓平半搏得過。