史浩克 多蒙特演入球騷

猪拉多纳

德甲今晚上演矚目「大」戰，由史浩克主場迎戰多蒙特。兩隊周中喺歐聯戰績南轅北轍，前者吞咗車路士3蛋，後者作客阿仙奴凱旋而歸。但今晚返到德甲對撼又唔同講法，話晒都係「魯爾區打吡」，面子攸關，有理無理點都要打敗對手全取3分，今場一於捧1.54倍入球大！

（有線61及201、中央5台周六晚9:30直播）

史浩克雖有射手亨特拉爾做手術長抖，中場馬高賀查提早收咧，不過佢哋周中歐聯休戰嘅前鋒施沙拉爾重新擔正，有佢同奇雲保定、達斯拿組成「進攻鐵三角」，前線肯定有相當睇頭啦。何況史浩克喺近3場德甲狂入10球，主場出擊更加唔使同多蒙特客氣啦！

多蒙特贏咗阿仙奴後士氣如虹，但嗰場波其實一直處於下風，只係靠強勁嘅反擊致勝。射手羅拔利雲度夫斯基唔使多機會，一次射門、就足以致命！多蒙特自從聯賽4連勝斷纜後，近期喺德甲都有啲飄忽，所以與其冒險博今場客勝，不如穩穩陣陣要入球大好過。
頂占筍盤：史浩克04（入球大）