熱刺細成騎虎

猪拉多纳

侯城防守叻過紅魔

熱刺打虎難大炒！今晚英超熱刺主場迎戰升班球隊「老虎」侯城，客軍並唔係冇牙，主隊今仗唔易o趙，就算贏預計只係一球起兩球止，主Ｗ太熱，不如捧1.95倍入球細好過。

（now 622周一凌晨零時直播）

熱刺領隊保亞斯今季銳意改善防守，買入巴西荷西保連奴，同另一防中辛度雲尼亞里組成第一道屏障，搶截能力大增，而後防一對中堅維頓漢及戴臣經過一季合作後愈嚟愈有默契，所以熱刺今季對住次級球隊都輕易控制戰局，失球減少咗好多，佢哋今季總共踢14場波，有成11場冇失波，證明防守好咗。
侯度史東倒戈想入波

但針冇兩頭利，熱刺加強咗防守就犧牲進攻，８場英超都只係入得８球，當中７場開細，今仗對住刻意死守嘅侯城要入波有一定難度。侯城今季後防表現唔錯，失波仲少過「紅魔」曼聯，就知呢隻老虎仔唔好恰。

值得一提今季由熱刺轉投侯城嘅侯度史東，之前喺保亞斯手下鬱鬱不得志，今仗講明向舊東家報仇，仲話如果對熱刺入到波佢就會將個爆炸頭剪走，可見決心幾大，隊友隨時走多兩步幫佢出氣，熱刺今晚都係小勝格，入波唔會多。