AC客戰腳軟難讓帕爾馬

猪拉多纳

意甲球隊羅馬今季異軍突起，於聯賽八戰全勝，真係令唔少行家大跌眼鏡，不過，呢班波始終唔係超級勁旅，而且人手唔多充裕，若然道氣一過，相信有機會回落，始終長路有盡時，暫時唔好睇得太高。羅馬今次作客中游分子烏甸尼斯，現時只係小讓平半，個盤真係筍得滯，睇個款好有機會斷纜。

今次重心場次都係揀場意甲，帕爾馬主場對AC米蘭，捧主隊！AC剛於歐聯挑戰西甲班霸巴塞隆拿，踢出今季代表作，表現確係好好，不過，踢波一場還一場，返到意甲情況完全唔同晒，AC本季客場仲未識贏，今次仲要讓波，明顯係因為名牌效應。帕爾馬主場好硬淨，等閒之輩唔易贏到佢哋，今場盤口有利，呢隻下盤值得留意！

（TVB13及now 818周日晚10時直播）
信莫連奴撐車路士

同日英超大戰車路士主場對曼城，兩班波同被視為今季奪標熱門，計級數好接近，普遍莊家今場開車路士讓平半，呢個係正盤，亦有菠菜公司開平手盤，車仔都有七水。車路士今季有番超級教頭莫連奴領軍，喺呢類大戰特別能夠畀到人信心，預期今仗有坐和望贏之力，讓平半用半個博一個，博上盤！