巴塞數爆切爾達助興

猪拉多纳

「扭王小白」老婆又有喜

挾住國家打吡贏波餘威嘅巴塞，今晚喺西甲快車作客迎擊切爾達，「地上最強」中場恩尼斯達一向扭波過人易過食生菜，上仗畀五名皇馬球員圍剿依然從容不迫嘅圖片，熱爆網絡，賽後佢仲報喜就嚟再添丁，人逢喜事精神爽，實玩殘切爾達亂到無倫嘅防線，巴塞就算要讓兩球照捧讓球客勝。

（now 632周三清晨5時直播）

「小白」恩尼斯達公認好波，因此經常成為敵方圍剿對象，去年歐國盃西班牙對住意大利同克羅地亞嗰陣，都出現「群雄圍小白」嘅靚相，日前喺國家打吡對皇馬，佢又畀五個皇馬球員包圍，「小白」驚都未驚過，仲從容妙傳尼馬先開紀錄，神級淡定相喺網絡上爆紅。
安歷基玩殘切爾達

而已有一個囡囡嘅恩尼斯達，賽後好激動喺社交網話老婆再次懷孕，今次仲要係慈姑椗嚟，湊夠個「好」字，定必激起「小白」嘅戰意。

切爾達教頭安歷基貴為巴塞名宿，亦曾經教過B隊，但有幾多料心照喇，之前去意甲教羅馬亂點鴛鴦，搞到首都球隊一鑊粥，今季返西甲教切爾達銳意改革，重用拉芬拿艾簡達拿等新人，結果又搞到後防亂七八糟，難怪切軍近五仗輸四場。巴塞今場要數切爾達三粒冇難度，不妨直取讓球客勝。