「粉絲」齊買金筷子

猪拉多纳

　　好耐冇試過舉行沙田草泥地夜賽，雖然八場賽事得兩場喺草地舉行，但係，好唔好賭就另作別論。噚晚睇飛，好多場都搵唔到重心馬，睇落似爆冷格局，小心為妙。

　　今期賽事，大家最好吼實胡森馬房嘅馬，唔知係咪有人睇好佢今晚會贏出開季第一場頭馬，佢派上戰場嗰四匹參賽馬有三匹都有飛（見表），最好都係信佢。周某自己較為鍾意第三場嘅「金筷子」，話說呢匹前華廐馬在港上陣三次，次次獨贏賠率都徘徊喺34至63倍，完全同個熱字扯唔上關係。但係今次轉咗去胡森馬房，可能因為早前試泥閘有好走勢，隔晚獨贏竟然得4.9倍，睇嚟似搏殺了。

　　騎師王方面，杜利萊隔晚賠率熱得交關，而其胯下惡馬又多，值得投以信心一票。(周仲)