拿玻里真材實料繼續追

猪拉多纳

今季意甲的確令人驚喜，唔再由「北方三強」壟斷，取而代之係羅馬、拿玻里崛起，兩軍踢法悅目，欣賞指數及投X價值皆高。尤其係拿玻里人強馬壯兼有「戰術大師」賓尼迪斯領軍，論韌力及「可持續性」甚至比羅馬更優勝，肥叔睇好拿玻里可奪今季聯賽冠軍。拿玻里今晚作客費倫天拿開平手盤，當然力捧客軍。

（周四凌晨3時45分開賽，馬會網上文字直播）
費倫未受考驗咪高估

拿玻里季前出售卡雲尼，羅致希古恩、荷西卡利祖、艾比奧爾、連拿，整體人腳質及量都獲得提升。賓尼迪斯過往執教利物浦，喺人腳調配，幾時收、幾時放，掌握得非常好。呢方面對於應付聯賽呢種長途賽非常重要。羅馬現時放得太盡，令人擔心後勁不繼，反而拿玻里進退有序，更值得睇好。今仗鬥費倫天拿，又係拿玻里出真工夫嘅時候，以佢哋今季強勢表現，唔使讓波實在相當着數。

費倫天拿雖然成績亦不俗，但所贏對手並唔強，最威係反勝祖雲達斯，但當時祖記有歐聯後顧先至突然失準，呢種情況甚罕有不能作準。費倫戰績「水分」甚重，肥叔認為佢哋受到高估，平手盤要番真材實料嘅拿玻里。