海灣者無懼急流撐主W

猪拉多纳

丹普西傷愈 班主下必勝令

美職季後賽淘汰圈聽朝展開，西雅圖海灣者同科羅拉多急流會以一場定生死形式爭入西岸4強。海灣者喺常規賽煞科戰爭啲搞掂銀河，睇得出班波已經回勇，加上班主洛夫同隊長羅沙里斯拍心口承諾今仗會贏波，咁有信心，一於捧1.7倍主勝場。

（開賽時間：周四早上10:30）
急流近3場作客輸晒

海灣者最後7場聯賽都未贏過，不過門將基斯樸寧擔正之後，大門明顯穩陣咗，佢喺煞科戰鬥銀河場波就作出4次「神級」撲救，最重要係陣中球星丹普西終於打破長達230分鐘嘅入球荒，消息話呢位美國國腳已經克服肩傷，今仗會繼續擔正。

同銀河賽和1:1之後，海灣者班主洛夫同隊長羅沙里斯公開答謝Fans支持，又承諾聽朝會贏波殺入西岸4強，似乎好有信心砌低今仗對手急流喎！無他嘅，事關急流近3場作客都輸晒兼1球都入唔到，海灣者為報卻常規賽大敗1:5之仇，聽朝主場出擊肯定殺無赦！