雅寳先拔頭籌

猪拉多纳

　　今日頭場四班1000米賽事，有多匹初出馬上陣，我最睇好葉楚航馬房隻「雅寳」。

　　呢隻馬近期由韋達一手摸住操，上月試田草1000米閘，響韋達胯下追入一席第二名，而贏出嗰課試閘嘅「神舟十號」，剛戰已經順利奏捷，相信今次應輪到「雅寳」入凱旋門。

　　至於尾場二班泥地一哩，大摩派兩駒上陣應該有計，我就比較鍾意配杜利萊嘅「摩法神采」。雖然呢隻馬跑泥地未贏過，但以往十戰泥地有七次上名，演出其實好準，今次增程跑番一哩，應該更啱佢發揮，要贏馬補中冇難度。(張敬山)