史卓加斯特球迷High爆迎冠軍

猪拉多纳

今日將會係43年嚟挪威南部城市德拉曼最重要嘅一日，因為呢個城市嘅球隊史卓加斯特，將會作客特林素，進行尾二一輪挪超賽事，如果史卓加斯特贏波，就差唔多肯定贏得球會43年來首個挪超錦標，全市上下都屏息以待呢一刻來臨。

現時史卓加斯特領先洛辛堡三分，由於得失球大幅領先洛辛堡，所以佢哋只要贏波已經差唔多肯定贏得挪超冠軍，除咗有400名球迷會陪球隊作客特林素之外，球迷會亦喺市內一個大廣場搞睇波騷，準備一齊見證史卓加斯特贏得挪超冠軍，市內慶祝氣氛濃厚，史卓加斯特亦表明唔會專登等下輪主場先贏波攞冠軍，今場必定拚盡，球隊上下戰意極濃，小讓平半抵玩。

（周一凌晨1時開賽）