葡超疲弱賓菲加要反

猪拉多纳

葡超近年發展停滯不前，由於幾支班霸級球隊近年不斷輸出精英球員，賽前水平顯著下降，波圖及賓菲加等國內頂級球會出到歐洲戰場都唔多夠打。波圖喺莫連奴時代曾經稱霸歐聯，但今時今日已經冇呢支歌仔唱，以現時評級睇，葡超只係歐洲二線聯賽，短期內唔會有好大變化。
奧林比亞高斯主場夠惡

今次同大家研究一場歐聯C組賽事，奧林比亞高斯主場對賓菲加，捧主隊！賓菲加近期連場贏波，睇落已經走出季初低潮，但其實只係對手實力曳，所以唔好睇得佢哋太高。由於葡萄牙國內經濟麻麻，賓菲加日後無可避免要繼續變賣主力，前景實在唔多樂觀。希臘球隊齋打主場，奧林比亞高斯主場惡氣十足，今場小讓平半合理，要上盤！

（周三凌晨3時45分開賽）

同日德甲巨人拜仁慕尼黑作客捷克代表柏辛域陀尼亞，拜仁上次喺自己地頭狂數柏軍，兩隊牌面睇最少差兩班波。不過，拜仁今次作客都要讓到兩球有多，個盤實在太辣喇，佢哋目標只係全取三分，冇必要場場大勝，特別係賽期踢得密，讓得咁多真係唔抵玩，呢場可以要晒下盤同大盤，實行博雙殺！