大摩有「力」再標尾會

猪拉多纳

　　大摩向來喜在谷戰採用精兵制，這次亦不例外，僅派出「馬龍王子」及「新力飛」上戰場，由於最近三次尾場兩度由摩廐馬勝出，今次自然要重視列陣第八場的「新力飛」。

　　第八場三班1200米，「新力飛」上季評76分時，曾於此程贏馬而回，當時牠於直路上輕鬆彈甩主馬群，今次評77分僅多一分，計落當然有得爭。「新力飛」今季三戰只得兩席第五，歸根究底，是因為牠經常慢閘，導致馬兒場場都要留在最後，並單靠一條直路去追，偏偏牠又黑仔，場場都遇上慢步速。好似季內初出跑田草三班1200米，步速被「歡笑多多」按慢，拉士鞍上人梁家俊又選擇在內叠衝，結果連番受阻下都跑第五，表現算是不錯了。

　　「新力飛」上仗跑谷草1200米，步速都係慢，但牠可以爆出22秒67末段跑第五，證明狀態依然弗。今次大摩為「新力飛」加戴羊毛面箍出賽，無非是為了改善此駒的慢閘問題，若果可令此駒早段跟前少少，拉士有力一攻而破。