百威將領係時候交代

猪拉多纳

　　今晚頭場五班大長途，睇好霍利時馬房隻「百威將領」，呢隻馬前仗響四班都可以上名，依家身處五班肯定有着數。況且今場有路程根據嘅對手唔多，佢就試過響谷草2200米跑近，強配潘頓有機會贏馬交代。

　　另一匹心水係第五場「火紅人」，上場初跑谷草一哩，放得急之下仍能保住一席第二，返嚟只係輸少少畀「開心飲勝」。今次雖然排十二檔，但以佢嘅前速應可切入搶放，對手要追唔易。