西維爾好胃口擦大餐

猪拉多纳

歐霸H組榜首大戰，西維爾主場對利巴域，西維爾主場表現穩定，近五主場贏咗四場，今場可穩勝，但由於主W熱到冇肉食，可改玩入球大。

（有線64及203台周五凌晨4時05分直播）

雖然西維爾已錄得兩連敗，但今場係出線嘅關鍵一戰，只要西維爾贏埋呢場就可以確保出線分組賽，所以今仗實會主動搶攻，可博西維爾反彈。相反利巴域作客例牌腳軟，近四場作客非和則負，而且呢四場波皆失兩球或以上，輸得最甘一場仲要係喺聯賽輸畀排名比自己低五位嘅斯洛華高，一共失咗成四球，今仗更有正選門將比美斯高華停賽，對脆弱嘅防線更加係雪上加霜，西維爾今仗實「趁佢病攞佢命」，以一場大勝重返正軌。