|
|
今晚阿King睇中法甲獨腳戲，「暴發戶」摩納哥坐鎮主場迎戰伊維恩，理應係強弱懸殊，但好衰唔衰，有關射手法卡奧將投皇馬嘅謠言滿天飛，咁啱上輪又被打破聯賽不敗金身，狀態下滑之餘士氣亦唔好，撞正連番報捷嘅伊維恩唔係話贏梗，不妨冷敲讓球客勝。
（TVB301周六凌晨3時30分直播）
今季升班後大肆擴軍嘅摩納哥，開咧後表現對辦，不過有傳頭號球星「老虎」法卡奧一直心儀皇馬，仲喺簽約摩納哥嗰陣附加一項條款，只要「銀河艦隊」明夏斥資6,000萬歐元轉會費羅致佢，摩軍就要放人，傳到似層層咁，就算當事人同高層多番否認都冇人信，十分影響軍心。
摩納哥先喺法聯盃畀蘭斯踢出局，上輪「老虎」復出亦未能攻克里爾嘅銅牆鐵壁，慘吞兩蛋跌落第3之餘，連今季聯賽不敗之身都被打破埋，士氣進一步受打擊。相反伊維恩開始為護級發力，上仗反勝圖盧茲韌力十足，挾3連勝餘威作客「病摩」隨時偷到雞，讓球客勝有分頭咪錯過！
奧斯心雄玩「大」佢
至於荷乙包尾大幡奧斯，上仗爆大冷贏前列分子馬斯特里赫特，取得自8月尾以來首場勝仗，心雄之下，今返主場對住精英隊唔會縮，入球大好路。最後阿甲拉費爾拿主場對葛度爾古斯，兩軍狀態都麻麻，但拉費爾拿自升班後主場對葛度爾古斯未嘗一勝，今仗有地利都信唔過，客軍受讓捧得過。 |
|
金睛卡
发表于 2013-11-8 10:40
变色卡
显身卡
楼主