熱刺升呢拆紐冇難度

猪拉多纳

英超今季競爭非常激烈，暫時睇落最少有六支球隊爭標，傳統勁旅曼聯起步脫腳，但近期已經慢慢回勇，以呢班波人腳，只要發揮正常，唔愁上唔返去前列。「紅魔鬼」今晚硬撼阿仙奴，論今季表現「兵工廠」當然高啲，不過，曼聯於主場始終有分量，而且呢場真係好需要贏波，小讓平半合理，可以稍為秤先上盤。

至於是日重心場次都係揀英超，熱刺主場對紐卡素，捧主隊！如果單計人腳，熱刺今季喺英超絕對數一數二，特別係呢班波中前場有好多高質球員，唔少行家都認為佢哋有條件加入爭標行列。熱刺雖然要兼顧歐霸盃，但大軍後備力量強勁，遇上中游分子「喜鵲」點秤都係高一班波。紐卡素係門口狗，上次贏車仔只係靠主場，客場惡極有限，呢場撐熱刺！

（now 621周日晚8時直播）
維拉利爾主場受讓筍

至於西甲賽事維拉利爾主場對馬德里體育會，馬體會今季於聯賽表現好對辦，已經去到巴塞同皇馬級數，確係唔簡單！不過，維拉利爾亦非善類，呢班波喺主場具備西甲頂級球隊戰鬥力，今仗因為名氣唔及對手有得受讓，個盤都幾抵玩，一於要下盤啦！

（now 632周一凌晨2時直播）