拱形凱旋門風險話你知

猪拉多纳

馬匹贏完返凱旋門，騎練馬主齊齊拉頭馬影威水相，同時分享勝利喜悅，不失為一大快事。馬會為令頭馬相背影更美觀，年前更加插拱形凱旋門，不過據知此設計或有潛在風險，因影頭馬相時馬匹一旦發脾氣起擒，馬背上騎師頭部就有可能撞到凱旋門頂而受傷，而拉頭馬這件樂事隨時變成不快事。雖然至今暫未有意外發生，但若然拱形凱旋門可以加高，則無疑會更安全，而騎師安全亦受到較大保障。