英軍復仇唔衰德

猪拉多纳

重量級太公波心態各異

國際熱身賽矚目大戰，英格蘭將喺主場對德國，兩軍對待呢場波嘅態度南轅北轍，德軍視呢場波為名副其實嘅「太公波」，講明試陣為主，但英軍就非常重視呢場波，希望可報2010年世盃一戰之仇，英格蘭今場受讓值捧﹗

（now 621周三凌晨4時直播）

英軍主帥鶴臣上場對智利試陣失敗，今場對住世仇德國更加唔衰得，兩隊新仇舊恨多到數唔晒，最近要數2010年世盃16強林柏特嘅問題球，「三獅兵團」對此一直耿耿於懷，三年後嘅今日終於有機會報仇，球員深知呢場波嘅意義有幾大，實會搏命，上仗一班冇出場嘅主力如史杜列治、艾殊利高爾等隨時候命，老大哥謝拉特雖有傷在身，但為咗能夠出戰呢場復仇戰，喺賽前打定止痛針頂硬上，可見佢哋戰意鮮明。
基迪拉重創嚇怕勒夫

反觀德國心態完全唔同，上場對意大利嘅熱身賽搞到基迪拉膝蓋重傷，雖然手術成功趕得切踢世盃，但主帥勒夫都嚇到一額汗，吸取咗教訓費事再有主力受傷，改用一班副選好似維丹費拿、卻奧斯、馬里奧葛斯等，試陣味濃，賽前仲有舒賀爾尼話朗尼唔夠班點晒火頭，咁樣激起對手鬥志，今場德國作客要讓波真係靠唔住。